நல்ல மனிதர் மன்மோகன் சிங்...

நல்ல மனிதர் மன்மோகன் சிங்... நம்ம பிரதமர் ரொம்ப நல்லவர்...
மிக்க நாணயமானவர்.. மற்றும் நேர்மையானவர்... இருக்காதா பின்ன...
கவுன்சிலரே ஸ்கார்பியோல போகும்போது இந்த மனுஷன் தன்னுடைய ஸ்கூட்டர் லைசென்ஸை Renewal பண்ணி இருக்கார்... இனிமே ஸ்கூட்டர்ல போவார் போல இருக்கு..110 ஆ 120 ஆன்னு சரியாத் தெரியல.. இவ்வளவு மக்கள் இருக்குற இந்த நாட்டுல, எப்படியும் 50 கோடி பேர்தான் லைசென்ஸே வச்சிருப்பானுக.. அதுலயும் பாதி duplicate ஆகத்தான் இருக்கும்..
இதுல இவர் இப்போ எதுக்கு லைசன்ஸ renewal பன்னார்னே தெரியல... ஒருவேளை இப்போ நடக்குற ஆட்சி ஊத்திக்கிச்சின்னா அரசாங்கம் கொடுத்த காரை திருப்பி வாங்கிடுவாங்களோன்னு யோசிச்சு renewal பண்ணார்னு நினைக்குறேன்.. ஆனா ரொம்ப பாவமுங்க அவர்.. எல்லோரும் சேர்ந்து அவரை நல்ல ஏமாத்திடுறாங்க..

இதுநாள் வரை எந்த மினிஸ்டராவது ஸ்கூட்டர் லைசன்ஸ் எடுக்கப்போனார்னு கேள்விப்பட்டிருக்கீங்களா.. ஏன்னா, ஒன்னு யாருக்கும் வண்டி ஓட்டத் தெரியாது.. அப்படியே ஓட்டத் தெரிஞ்சாலும் இப்போ அவங்களால அதை ரோட்டுல ஓட்ட முடியாது.. ஏனா கூட பாதுகாப்புக்கு வர போலீஸும் ஸ்கூட்டர்லதான் வரணும்.. அதுக்கே ஒரு மினிஸ்டருக்கு 10 ஸ்கூட்டர் வாங்கணும்.. சிக்கன நடவடிக்கைன்னு ஒரு கார்ல இருந்து 4 ஸ்கூட்டர்க்கு மாத்தி புரட்சி செய்வாங்களோ என்னமோ..

ஆனா, இது ஒரு நல்ல முன்மாதிரி.. ஒரு நாட்டோட பிரதமரே RTO Office வந்து லைசன்ஸ் எடுக்குறார்னா அது நிச்சயம் வரலாறுதான்.. நல்ல முயற்சி.. இனி இது போன்று தொடர்ந்து நடந்தால் தினசரி எல்லா RTO Office-லயும் ஏதோ ஒரு எம்.பியோ., ஒரு எம்.எல்.ஏவோ விஜயம் செய்வாங்க.. அதுனால ஆபிஸ்ல கொஞ்சம் ஒழுங்கா வேலையும் செய்வாங்க..

இதுலேயும் ஒரு பிரச்சனை இருக்கு.. தினசரி ஒரு VIP வந்தா அவங்களை கவனிக்கவே ஆபிசர்களுக்கு நேரம் சரியாக இருக்கும்.. அப்புறம் அவங்களோட வர்ற அடிப்பொடிகள் ரவுசும் தாங்க முடியாதே... நல்லது செஞ்சாலும் தப்பு... கெட்டது செஞ்சாலும் தப்பு.. ஒன்னே ஒன்னு சொல்லலாம்... ஹி ஹி..

அரசியல்ல இதெல்லாம் சாதாரணமப்பா...